長幼共融 • SPC x JPC青夢成真計劃

7月16日，葵青耆樂警訊老友記去到棉紡會中學，一齊欣賞由參加咗葵青區少年警訊《青夢成真計劃》嘅同學仔演出嘅皮影戲《月下獨酌》。

同學將中華文化與科技融合 ，運用機器人編程，將機器人融入皮影戲同提線木偶表演中，精彩地演繹李白嘅《月下獨酌》。而皮影師父嘅俏皮馬騮仔，更將全場氣氛推向高潮。除咗睇戲，同學亦帶領老友記齊齊做 運動同玩傳豆袋遊戲，仲有禮物收。

活動集齊健體、刺激同歡樂，無論同學定老友記都玩得相當投入，完全感到到「長幼共融 樂也融融 」嘅快樂 。