@ 
今年適逢「全民國家安全教育日」 10周年，喺呢個別具意義嘅日子，觀塘區舉辦咗「觀塘區國家安全嘉年華2025」 。節目豐富有趣 ，務求營造濃厚嘅維護國家安全氣氛，向社區推廣國家安全同守法意識，提升市民對國家安全嘅重視 。嘉年華吸引約3,000名市民參與，反應熱烈！
嘉年華活動包括升旗禮、輔警樂隊步操演奏 、舞台表演 、國家安全展覽 等。場內亦設有各式各樣嘅攤位遊戲 ，畀參加者以互動方式學習國家安全知識。小朋友更可坐上國安呠呠車 、推推國安保齡球 、同警隊劍齒虎打打卡。當然仲有嘉年華必備嘅雪糕 、棉花糖同爆谷 ！大家喺學習國安知識嘅同時，亦歡度咗個輕鬆而充實嘅下午 ！
民政總署署長杜潔麗、中聯辦九龍工作部副部長賴建華、立法會議員鄧家彪及顏汶羽、香港警務處東九龍總區指揮官羅越榮同署理觀塘民政專員陳慧珍等蒞臨嘉年華現場主禮 。今年典禮儀式以「國家安全遍大地」為主題，象徵國家安全嘅種子 遍布大地，並茁壯成長 。
署長對學生及地區團體嘅積極參與給予讚賞 ，期待大家攜手共同維護國家安全 ，為香港繁榮穩定貢獻力量 。
嘉年華由觀塘民政處、觀塘區撲滅罪行委員會、觀塘區議會、香港警務處觀塘警區、香港警務處秀茂坪警區同九龍社團聯會觀塘地區委員會合辦。多達14間學校同團體參與設計國安知識嘅展覽內容同攤位遊戲，亦積極參與舞台表演！
國家安全同我哋息息相關，一齊履行公民義務 ，合力維護國家安全
