@ 
下星期二(15/4)就係「全民國家安全教育日」，今年適逢國家第十個「全民國家安全教育日」，西貢民政專員馬瓊芬上星期六(5/4)出席「國安•保良•將軍澳 2025 」，參觀活動攤位 ，同參加者互動交流 。
來自多間中、小學及幼稚園嘅同學當日有多項精彩表演，各校亦悉心預備咗有意思又好玩嘅攤位遊戲 ，透過寓教於樂嘅方式，讓不同背景、不同年齡層嘅市民接觸到國家安全知識。大小朋友喺活動現場參與別具特色嘅攤位遊戲、欣賞表演，歡度周末 。
活動由保良局同西貢民政處合辦、將軍澳警區全力支持。出席主禮嘉賓包括保良局主席李何芷韻、西貢民政專員馬瓊芬、中聯辦新界工作部宣教處副處長張磊、香港警務處將軍澳警區指揮官麥文禹、教育局總學校發展主任(西貢)程慧珊以及西貢區家長教師會聯會主席何秀芳。
西貢民政處會繼續同地區夥伴攜手合作 ，喺地區層面進一步增加市民對國家安全重要性嘅認識 ，營造維護國家安全嘅濃厚氛圍，增強防範同抵禦安全風險嘅能力。
@ 
@