@ 
嚟緊4月15日就係第10個「全民國家安全教育日」，九龍城區青年發展及公民教育委員會、九龍城民政處、香港都會大學及九龍城區中學校長會前日(11/4)合辦「九龍城區國家安全專題論壇2025」。 主禮嘉賓包括律政司副司長張國鈞 Horace Cheung、全國人大常委兼立法會議員李慧琼、中聯辦九龍工作部副部長郭長勇、九龍城民政專員蔣志豪、九龍城區青年發展及公民教育委員會主席楊文銳、香港都會大學副校長鄺志良教授以及九龍城區中學校長會主席陳得南校長。超過300名嚟自17間區內中學嘅師生及一眾九龍城區議員嚟到香港都會大學，學習最新國家安全資訊。
好榮幸邀請到張國鈞副司長及李慧琼議員作專題演講，深入淺出咁為同學講解國家安全嘅核心概念 。九龍城民政專員蔣志豪喺致辭時亦提到，今年除咗係第十個 「 全民國家安全教育日 」 ，亦係東江水供港60周年 ，國家六十年來從未間斷為香港供應可靠 、穩定同安全嘅東江水，支撐香港經濟持續發展，滋養香港市民安居樂業。佢鼓勵在座同學努力裝備自己 ，回饋國家，攜手共創美好未來 。
之後兩位嘉賓同鄺志良副校長參與由楊文銳主席主持嘅論壇環節，回顧同展望各界推展國家安全教育嘅工作，仲喺問答環節同參加者分享點樣喺日常生活中實踐國家安全。
除咗專題論壇外，九龍城民政處亦以不同方式將國家安全教育推展至社會不同角落，當中包括喺區內主要幹道漆咸道北行人天橋懸掛精心設計嘅燈飾裝置 ，營造維護國家安全嘅濃厚氣氛，喚起居民對國家安全嘅關注。如果大家經過見到我哋用心布置嘅國安教育燈飾，記得打個卡，等更多人關注國家安全嘅重要性！
@ 
@