@ 
DSE放榜前一夜，大埔民政專員陳巧敏，同香港青少年服務處服務總監馬美珍連同星級嘉賓齊齊為考生集氣應援，陪住大埔年青人Chill過DSE！
「大埔區青年網絡@HKCYS拉闊點陪你Chill過DSE」活動，現場設有生涯資訊諮詢輔導，考生可向社工同過來人傾下未來嘅生涯規劃，獲得升學資訊。
各位考生仲一齊玩遊戲Chill一Chill，禪繞祝願環節更幫考生紓緩一下緊張心情，加上大埔青網成員合唱多首流行曲及青年band隊嘅音樂表演，現場仲設有許願樹畀各位同學仔掛上摘星願望，氣氛熱烈。
各位考生緊記，You are not alone！前面尚有一萬里，DSE只是人生其中一個階段，「條條大路通羅馬」，無論結果係點，都總會有出路，放榜有乜好怕喎！
@ 