@ 
荃灣區「地區青年社區建設委員會」同「地區青年發展及公民教育委員會」新一屆任期已經喺今年4月1日開始咗啦。兩個委員會嘅特色之一，就係成員分別嚟自荃灣社區同埋透過第八期青年委員自薦計劃加入，當中包括學生同在職青年，整體平均年齡為35歲以下。雖然各委員都有各自嘅職業或崗位，但大家都不計付出，仲滿懷熱誠 服務荃灣社區，值得掌聲鼓勵！ 。
剛上任嘅兩個地區青年委員會委員日前(12/4)除咗一齊參加荃灣民政處舉辦嘅「荃灣區2025兩會精神分享會暨全民國家安全教育日嘉年華」外，仲出席咗「地區青年委員會迎新會」。迎新會上，荃灣民政專員區家盛歡迎各委員加入，兩位主席陳義光同呂志宏就提及任期內嘅工作抱負，其後亦趁機同各委員一齊輕鬆brainstorm ，交流對未來工作方向嘅意見。專員鼓勵委員彼此多要有啲喺會議室外嘅互動 ，集思廣益 ，為荃灣區青年發展同社區建設帶嚟更多新構思 同點子 ！
期待荃灣新一屆「地區青年社區建設委員會」同「地區青年發展及公民教育委員會」積極就地區工程、青年發展同公民教育等議題發表意見！
