@ 
今年係「全民國家安全教育日」10周年，爲加強推廣宣傳，4月10日東區民政處與香港教育大學攜手喺香港抗戰及海防博物館合辦「2025東區全民國家安全教育日— 學界活動嘉許禮」。
民政及青年事務局 Home and Youth Affairs Bureau副局長梁宏正、中聯辦教育科技部一級巡視員劉懋洲、東區民政專員陳尚文、香港教育大學校長李子建、東區學校聯絡委員會主席方仲倫等主禮嘉賓及地區領袖出席支持！
副局長致辭時表示，為咗更全面推廣國家安全教育，政府從去年11月至今年4月陸續為18區嘅地區領袖開辦超過30班「國安教育地區導師培訓計劃課程」，而喺東區完成課程嘅導師至今已超過人，他們更走進社區，向超過6000名市民積極推廣國安訊息，發揮維護國安嘅正能量。
活動對象係區內中小幼學生。透過一系列以軍事安全、國土安全、生態安全、資源安全為主題嘅比賽，包括親子填色、海報設計、手機貼圖及一分鐘短講，在校園深化國安教育。活動亦結合中華傳統文化元素，特別安排中學及小學分別進行中樂及雜耍表演。短講比賽得獎學生亦即場示範。同學們精彩嘅表演，贏得現場熱烈掌聲。
嘉許禮後，同學們立即把握機會，參加博物館嘅導賞團，認識香港與國家嘅抗戰歷史，了解國家安全嘅重要。
