@ 
今年係《香港國安法》實施5周年，亦係第10個「全民國家安全教育日」。4月15日亦係一年一度嘅「全民國家安全教育日」，希望藉此提升市民對20個國家安全重點領域嘅認識。繼早前嘅巨型宣傳橫幅同親子嘉年華，中西區亦舉辦咗「全民國家安全教育日研討會」同「關愛隊國家安全嘉年華」，將國安意識傳達畀區內每一位市民。
1. 全民國家安全教育日研討會
中西區民政處同中西區區議會，聯同香港島各界聯合會中西區地區委員會及香港中西區各界協會4月15日舉辦「中西區全民國家安全教育日研討會」。研討會由全國人大常委兼立法會議員李慧琼主講。有近300名參加者出席，藉此了解國家安全嘅概念同維護國家安全嘅重要性。在場人士都細心聆聽，踴躍發問。四名中西區嘅國家安全教育地區導師亦以深入淺出嘅例子向參加者講授國家安全信息。
參加者都認為研討會提升咗佢哋對國家安全嘅意識，進一步了解國家安全對香港繁榮穩定嘅重要性。有出席研討會嘅同學表示，一定會努力盡公民責任，齊心保護國家安全。
2. 關愛隊國家安全嘉年華
國家安全同市民日常生活息息相關，更加係市民安居樂業嘅基礎。中西區關愛隊對推動國家安全教育一直不遺餘力。喺啱啱過去嘅4月13日，區內關愛隊就攜手合辦「國家安全嘉年華」，將國安信息帶到區內每家每戶，中西區民政專員鄭建瑩亦有出席支持。
嘉年華透過攤位遊戲、展覽及有獎問答遊戲等輕鬆有趣嘅方式，向區內居民傳遞國家安全嘅重點領域同統籌等資訊。市民睇完展覽同聽完關愛隊隊員講解後，都加深咗對國家安全嘅認識，更體會到國安、家安嘅重要性。中西區關愛隊亦會繼續透過日常活動喺社區網絡傳播國安信息，共建關愛社區。
