@ 
尋日（15/4）係第 個「全民國家安全教育日」。爲咗加深九龍城街坊對國家安全嘅認識，九龍城民政專員蔣志豪率領一眾九龍城區區議員、地區委員會委員、關愛隊隊員同義工，齊齊開展宣傳街站活動，傳遞國安信息。好多委員同隊員仲喺當日上午參加完「全民國家安全教育日開幕典禮暨主題講座」後，就立即落區，身體力行向街坊宣傳維護國家安全嘅重要性。
九龍城民政專員蔣志豪先後到訪土瓜灣遊樂場同愛民邨，視察關愛隊嘅宣傳工作，並同關愛隊一齊向街坊派發單張同紀念品。專員親自向長者、商鋪東主、多元族裔人士同青少年等講解國家安全嘅核心概念。街坊們都話好開心，好感謝九龍城民政處及關愛隊定期落區，畀佢哋了解到國家安全唔同領域嘅最新發展。
國家穩定安全，係香港持續繁榮發展，市民安居樂業嘅基石。九龍城民政處一直以嚟透過唔同渠道同形式，將國家安全教育推展至社會唔同角落，將國安信息傳遞至區內唔同族群同年齡層。九龍城區關愛隊亦會繼續努力，以宣傳街站、講座等形式，提升市民對國家安全嘅關注同認識。
@ 
@