@ 
九龍城年度盛事，一連三日嘅龍城美食潑水泰繽紛 圓滿結束，雖然週末間中有過雲雨，但都無阻市民旅客嘅熱情。活動成功吸引超過82000人次參與，一同過一個「泰」繽紛、「泰」精彩嘅周末，感受「18區日夜都繽紛」嘅歡樂氣氛。
除咗有正宗泰國特色美食，仲有泰拳比賽、歌舞表演、泰式按摩等大受歡迎嘅活動。泰國服飾體驗 同浴佛儀式都大排長龍，而電音x潑水體驗 更加係將呢三日嘅活動推向高潮，唔少市民一家大細齊參與，大家都話現場氣氛好好，好似喺泰國過新年咁 檔主都話好開心能夠做多啲生意，要準備多啲貨先夠賣 活動亦成功帶動地區經濟，附近商戶表示呢幾日人流多咗，營業額更比平日增長三成 ！附近食肆更座無虛席，比起平時做多兩三輪生意。
而家一齊去片回顧，再次感受「泰」繽紛、「泰」精彩節慶氣氛~ 潑水節泰繽紛活動雖然圓滿結束，但由即日起至6/5仲有「消費大抽獎」同商戶優惠活動，記得喺留言位置睇詳情贏巨獎呀。
@ 