@ 
Alice局長同Clarence副局日前去到屯門區，聯同屯門民政專員兼關愛隊總指揮Michael、屯門區議員兼兆康關愛隊隊員巫成鋒，以及一眾關愛隊隊員同義工，探訪區內長者 ，送上關懷同祝福！
兆康關愛隊扎根社區，擅長凝聚各方力量，唔單止成功招募到大量嘅義工加入團隊，仲同屋苑法團、管理公司緊密合作，為街坊提供最貼心嘅服務。當日一齊探訪嘅就有年僅19歲嘅歐陽艷玲，年紀輕輕嘅佢經常利用課餘時間同朋友一齊投身關愛隊服務，佢話透過義工服務可以接觸同幫助有需要嘅人，仲提升到個人能力 同埋對社會嘅責任感！區內屋苑法團亦非常支持關愛隊嘅工作，樂意借出場地予關愛隊去舉辦不同社區活動，為居民提供多方面服務同支援，令關愛隊工作更順暢，服務更加到位 。
除咗家訪，兆康關愛隊會定期喺區內設置服務站，為居民提供簡單健康檢查及分享健康資訊；亦會設置回收站 ，鼓勵街坊支持環保，為社區環境出一分力，街坊們都好積極響應。關愛隊同居民嘅關係好密切，所以當街坊有需要，尤其係遇上停水停電特發情況或長者家居維修問題，都會識得主動搵關愛隊幫手處理。
局長同副局都好感謝關愛隊隊員同義工嘅熱心服務，無私奉獻，期望日後關愛隊能夠繼續秉持「民政幫到你」嘅精神，凝聚更多社會資源同力量，讓關愛服務能做深做廣，提升市民嘅獲得感同幸福感！
@ 
@