@ 
大家喺媒體應該睇到油尖旺（19/4）有兩個地方特別熱鬧！
「融愛服務」 (MELT)喺尖沙咀栢麗購物大道舉辦清真美食節 ，由油尖旺民政處贊助。
主辦單位表示呢次係香港首個同類活動，下午已吸引數千名市民及遊客，包括多位油尖旺區議員及不同族裔嘅朋友出席。
主禮嘉賓民政及青年事務局 Home and Youth Affairs Bureau副局長梁宏正致辭時提到，去年施政報告提出開拓中東同東盟旅客客源，多搞同類活動既可配合，又可推動地區經濟同共融。
其他嘉賓除咗主力推動嘅鄭泳舜議員，仲有陳克勤和陳勇兩位立法會議員、旅遊事務專員張馮泳萍、油尖旺民政專員余健強、多國總領事或代表、清真食物認證機構會長沙意(Saeed UDDIN）等。
美食節嘅攤位有油尖旺區內外嘅大小餐廳 ，仲有民族表演。
西九文化區藝術公園大草坪一連幾日（18/4-21/4）有大型戶外咖啡節 ，有過百個本地（包括油尖旺）、大灣區內地城市以至國際品牌參與，品嘗者絡繹不絕。
專員同西九負責人員檢視安排，為今年其他嘅合作項目作準備。
@