@ 
今日（20/4）係一年一度元朗天后寶誕 嘅大日子，除咗有巡遊 、舞龍 、舞獅 同歌舞表演 之外，今年喺我地元朗警區連續第二年親身加入一齊與眾同樂 緊隨第三炮其後嘅第18222號防騙 花炮-就係我地喇
今年防騙 花炮上面除咗有傳統嘅吉祥物品同佈置、 裝飾物同埋防騙視伏器之外，仲加入咗最近大受歡迎嘅熊貓添
除此之外，我地仲邀請咗一班嚟自順德聯誼總會翁祐中學、元朗朗屏邨惠州學校及佛教慈光幼稚園嘅同學仔同埋一班少年警訊嘅會員 一齊落足力 舞動提子龍 ，而今年我地亦新加入咗兩粒巨型識行識走嘅吹氣提子 ，成功吸引唔少人嘅目光 再加埋一班耆樂長門人 沿途派發充滿 特色嘅防騙手撥扇、 毛巾同埋 環保袋，令我地依支巡遊隊伍成功吸引 唔少市民圍觀，仲成為打卡熱點 之一添 加埋花炮上嘅口號 《全「元」防騙有你我，熊貓提子護香江 》，沿途嘅市民離遠見到 ，響大家慶祝天后寶誕嘅同時，都可以收到防騙資訊，咁就做到全「元」防騙啦
特別鳴謝元朗區少年警訊名譽會長會及耆樂警訊名譽會長會之支持和贊助，我地下年再見啦
@ 