@ 
為慶祝香港回歸28周年同國慶76周年嘅活動打響頭炮，4月18日南區舉辦咗個盛大嘅「萬人盆菜宴」今次係區內第1次同10000名街坊共聚一堂，以中華傳統美食慶祝重要嘅日子，意義重大。
活動由香港南區各界聯會主辦、南區民政處同南區區議會合辦。律政司副司長張國鈞 Horace Cheung、行政會議召集人兼立法會議員葉劉淑儀、中聯辦港島工作部部長薛惠君、副部長楊成偉、南區民政專員兼區議會主席張佩珊，連同眾多主禮嘉賓到場支持。
盆菜宴除咗畀大家了解盆菜係香港非物質文化遺產之一、承載深厚文化意義、象徵團圓同豐足安康外，現場仲有精彩嘅歌舞同文化表演。大會亦同警方合作，向每枱街坊宣傳防騙同滅罪信息，務求從多方面防止罪案發生。
呢個咁盛大嘅活動可以順利完成，除咗多得主辦及協辦單位勞心勞力同埋社區人士慷慨贊助之外，亦要感謝警方、運輸署、康文署、食環署、港鐵同城巴通力配合，大家發揮團隊精神服務街坊 ！
街坊一家大細都食得非常開心，場面溫馨 。祝願大家都身體健康、幸福滿滿。
