@ 
由九龍城民政處同「飛越啟德」合辦、啟德體育園協辦、滙豐冠名贊助嘅年度大型運動嘉年華「啟德 Get Set Go！」一連兩日（19-20/4）喺啟德體育園東營盛大舉行。活動係啟德體育園開幕後首個大型社區嘉年華，吸引過萬名市民參與。活動結合運動體驗、體藝表演同親子互動，為迎接「第十五屆全國運動會」掀起全民運動熱潮！
民政總署署長杜潔麗、文化體育及旅遊局 Culture, Sports and Tourism Bureau體育專員蔡健斌、九龍城民政專員蔣志豪、啟德體育園有限公司行政總裁Mr. John Sharkey、滙豐香港區財富管理及個人銀行業務戰略合作部總監楊思敏及香港遊樂場協會主席單日堅蒞臨主禮。
今年活動移師至世界級場地「啟德體育園」 ，活動內容精彩豐富且老少咸宜，設 個多元攤位同體驗項目，當中包括新興運動試玩、 精英運動員表演，以及全運會項目體驗。市民都大讚七人欖球、擊劍等全運會項目體驗令佢地加深對有關運動嘅認識，體會到當中嘅樂趣。
市民除咗參與活動外，亦暢遊園區海濱長廊及藝術裝置，欣賞以「東方之珠」為設計理念嘅主場館。配合同期舉行嘅「啟德美食海灣嘉年華」，市民可以喺啟德體育園享受一站式嘅運動與美食體驗。
九龍城民政處未來將繼續聯同地區團體，把握啟德體育園開幕嘅機遇，舉辦更多元嘅體育活動，推動「全民運動」精神，建設活力社區。
