西貢佛堂門天后誕喺今日農曆三月廿三(20/4)於西貢佛堂門天后古廟舉行 。天后誕期間,數以千計嘅信眾到古廟祭祀,香火鼎盛 。除咗喺正殿供奉天后,祈求保佑一家大小平安,唔少善信亦喜歡到側殿「摸龍床」,求子𠻸 健康 及財帛 。天后廟仲有特色「菠蘿雞」吉祥物售賣,以元寶、竹枝同羽毛黏貼而成,外形似足真雞 一樣。善信一般會掛喺家宅窗門。相傳菠蘿雞牙尖嘴利,專啄小人,有助除厄解困 。
西貢佛堂門天后古廟,始建於南宋時期(約1266年),至今已經有過數百年歷史,係全港天后廟中最古老及最具規模嘅一間,故稱「大廟」,現被列為香港一級歷史建築 。喺古廟後方,可以於同樣係香港法定古蹟嘅西貢大廟灣地堂咀刻石上,了解天后廟嘅歷史。
西貢民政專員馬瓊芬、坑口鄉事委員會主席劉啟康、副主席劉運明、西貢區鄉事委員會副主席張土勝聯同一眾政府部門代表、各西貢區議員及鄉村代表,係麒麟引領下入廟參拜進香, 願西貢風調雨順和諧安泰;市民身體健康家庭幸褔