@ 
由沙田社區基金主辦、沙田民政處及國民教育沙田區委員會合辦嘅「2025年沙田區青年江西四天文化交流團」已經喺16-19/4順利舉行。
交流團參觀咗 贛州市章貢區嘅多個宋代歷史遺跡 ，包括古城牆、鬱孤臺、八境臺、古浮橋及灶兒巷等，體驗宋代璀璨文化。今年適逢抗戰勝利80周年，團員專程到訪贛州市革命烈士紀念館 及贛州市博物館，認識抗戰及國家近代發展歷史。另外，團員亦參觀咗國家最大嘅客家方型圍屋東生圍，了解客家傳統建築及文化 。
而行程另一重點 就係去考察東江水發源地—贛州市安遠縣嘅三百山景區 。今年係東江水 供港60周年，團員可以一睹東江水源頭，了解東深供水工程 及國家為確保東江源水質而作出的環境保育工作 ，培養飲水思源嘅精神 。
為配合國民教育沙田區委員會本年度主題「中華養生有道 」，交流團安排咗團員參觀虔心小鎮 ，了解當地種茶文化 及認識茶療養生智慧 ，團員親身體驗採茶 及炒茶後，了解到製茶過程殊不簡單。
今次交流團成功舉辦，有賴各主辦及合辦機構通力合作，特別鳴謝主辦機構沙田社區基金 ，不遺餘力支持交流團各方面嘅籌辦工作 ，如負責旅程經費及協助推廣活動等，令活動搞得有聲有色。
回顧旅程，行程安排讓團員大開眼界 ，加深咗對國家嘅認識，仲可以識到一班來自不同學校嘅朋友 ，彼此交流，實在收穫豐富 。沙田民政處及國民教育沙田區委員會將會繼續舉辦唔同類型嘅活動，讓沙田區青年加深對國家嘅認識，培養佢哋對國家嘅歸屬感 。
@