@ 
由愛心全達慈善基金主辦、九龍城民政處全力支持嘅「廣東省三天交流團」喺上周末（18-20/4）圓滿舉行，共有30位嚟自區內三間中學嘅同學仔參加。中聯辦九龍工作部科長葉永悟、九龍城民政助理專員胡皓文、三間參與學校嘅校長或副校長都有隨行，同學生一齊探索佛山及順德嘅文化底蘊，親身了解大灣區發展歷程。
交流團獲順德區區委副書記孫麗等官員接待，安排師生團友就教育協作同青年發展交換意見。行程緊湊豐富，首日參觀咗順德職業技術學院及德勝中學，與當地師生交流教育理念；隨後遊覽順德華僑城同美食博物館，感受嶺南文化同飲食特色。
次日聚焦產業發展，團友們走訪廣東工業設計城、美的集團展廳，了解大灣區創新科技、製造業升級轉型與人才培育政策。最後一日就深入漁耕粵韻文化園及儒溪村，體驗傳統農業 與鄉村振興嘅融合發展。
交流團畀同學仔親身了解 國家發展嘅蓬勃活力。尤其係通過與當地師生同企業嘅互動，團友們更深刻認識粵港澳大灣區嘅機遇與挑戰。參加嘅同學仔都話交流團唔只擴寬視野，更令佢哋更清楚未來嘅路向，會積極考慮未來到大灣區城市發展。
@ 