@ 
觀塘市中心重建項目正進行得如火如荼 。重建過程中 ，市建局為善用項目尚待發展嘅土地 ，就將觀塘市中心裕民坊部分土地以「地方營造」方式，改造為「自由空間」，提供多元化活動 、公共藝術展示空間 同體育及兒童遊樂設施 ，向公眾展示未來城市空間使用嘅可能性 。
今年，觀塘裕民坊自由空間更榮獲澳洲Place Leaders Asia Pacific 頒發「2024 Place Leaders Awards」 之「Pop-Up Placemaking Award」 （期間限定地方營造）獎項 ，嘉許項目自2023年起透過設計、社區營造策略，激活市區空間。
好榮幸觀塘市中心嘅地方營造模型能夠衝出香港，獲得國際性獎項 ，與其他地區包括澳洲不同城市一同獲獎。一齊回顧吓過去兩年 ，觀塘民政處同市建局點樣攜手打造自由空間 ，凝聚社區 同促進地區經濟發展 ：
1、2023年12月「自由空間」啟用後，市建局肩負起動角色，舉辦「自由空間」內首個戶外聖誕嘉年華 - 「冬日熊出沒@觀塘」活動 ，吸引超過16萬5千人次入場。
2、觀塘民政處、觀塘區議會同觀塘工商聯三度喺自由空間合辦「龍騰觀塘夜市」 ，錄得約130萬人次，總營業額達2,000萬港元，成功帶動消費 ，提振地區經濟 。
3、為配合全港喜迎熊貓嘅歡樂氣氛，市建局舉辦「WINTER TRANSFORM冬日型格蛻變」活動。2024年12月至2025年3月期間，喺「自由空間」設置咗80隻不同大小嘅熊貓裝置 ，橫跨聖誕同農曆新年兩大節日，與市民共度佳節 ，增添地區活力。
4、觀塘民政處、觀塘區議會、九龍社團聯會觀塘地區委員會喺2024年舉辦「觀塘心連心賀國慶升旗禮」 ，與3 000名觀塘市民及學生一同參與升旗儀式 ，分享國慶喜悅 ，場面盛大。
5、觀塘民政處、觀塘區青年社區建設委員會喺裕民坊塑造觀塘新地標。兩座大型燈光裝置「3D KWUN TONG」 同「LED大燈畫」 ，展現觀塘區嘅立體多元性、集體回憶同獨有地貌。LED大燈畫更會為配合不同節慶換上新裝 。我哋亦喺聖誕同新年期間舉辦「觀塘冬日繽紛」 ，有超過50個單位帶嚟68場精彩嘅街頭音樂表演 ，共吸引近10萬人次嚟欣賞。
6、觀塘民政處同觀塘區議會國民教育推廣委員會舉辦「禮敬中華 · 愛傳萬家 ─ 中華婚儀文化巡禮」活動 。活動展覽中華婚嫁文化 ，展示古代婚嫁服飾同傳統婚俗用品 。
7、觀塘民政處、觀塘區議會同香港廣西社團總會舉辦咗 「月滿相邀在觀塘‧元宵燈山照桂美」 嘉年華，筵開120 席盆菜宴，吸引多達2萬人次入場 。
@ 