@ 
荃灣深井麗都花園7月16日發生咗一級火警，懷疑因電器短路所致。荃灣郊區關愛隊聯同深井消防局人員 ，喺火警翌日立即到屋苑派發宣傳單張 ，呼籲街坊注意防火安全 。
7月7日，深井村發生火警，懷疑係鋰電池產品使用不當所致。荃灣汀深關愛隊亦出動，與深井消防局人員一齊派發傳單，教育居民用電安全攻略 ，防範於未然。
兩次火警雖然都無需關愛隊出動支援居民，但兩隊荃灣關愛隊喺火警後都迅速行動，關懷小區住戶 並派出多名隊員及義工 ，協助消防人員立即進行宣傳教育 。
荃灣民政處聯同關愛隊致力提升市民嘅防火意識同應急能力，期望透過上述行動，趁火警後居民記憶猶新之際，進行防火宣傳教育，防止火警再次發生 。
@