@ 
深水埗區議會今日（24/4）下午4點至6點喺麗閣商場外空地，首次推出「流動會客室」。方便街坊平時喺街走過都可以見到區議員，表達意見。
今日當值嘅區議員有陳龍傑同陳國偉，佢地喺「流動會客室」聆聽市民聲音同解答市民嘅問題 ，當中包括房屋、地區設施等不同議題。深水埗區議會主席黃昕然亦有到場同區議員就「流動會客室」嘅安排交流。
今個月起，區內每個月都會有一次「流動會客室」，由深水埗其他區議員輪流當值，希望可以令區議員同居民有更多接觸，等區議員更進一步協助市民，為市民提供服務。
「流動會客室」將會喺29/5同26/6下午4點至6點，同樣喺長沙灣麗閣商場對出空地舉行，到時再同大家見面! 市民亦可瀏覽以下網頁了解最新安排 https://www.districtcouncils.gov.hk/.../meet_public.html
