@ 
由九龍東潮人聯會主辦嘅4日3夜「港潮文化尋根團」喺21/4圓滿結束 。黃大仙民政專員Thomas、中聯辦九龍工作部副處長鄧愛萍、九龍東潮人聯會會長楊育城同副會長吳家偉等隨團嘉賓喺18/4帶領超過140名青年乘坐高鐵去廣東省汕頭同潮州考察 ，了解潮汕地區嘅發展近況及歷史文化 。
一行人喺抵埗後隨即拜訪潮州市人民政府，並進行交流 ，了解城市發展概況 。隨後幾日，青年團員去咗潮州古城、廣濟橋、牌坊街、媽嶼島等特色地標參觀 ，亦親身體驗英歌舞、品嚐潮汕功夫茶同製作紅桃粿 ，了解當地源遠流長嘅文化 。為增進兩地青年嘅聯繫及情誼 ，一眾香港青年亦到訪華南師範大學附屬濠江實驗學校與當地學生互動 ，分享粵港兩地嘅生活發展實況 。
相信一眾青年經過今次「港潮文化尋根團」後，加深咗對潮汕文化以及當地發展嘅了解 ，亦能夠認識到一班來自不同背景嘅朋友 ，彼此交流。黃大仙民政處會繼續地區團體舉辦唔同類型嘅活動 ，畀區內青年從多角度了解國情 ，開拓視野 ，同時提高佢哋對國家同民族嘅歸屬感 ！
