應對風雨季 大埔多方攜手預防蚊蟲滋生

踏入四月，好快就會進入風雨季，傳播疾病嘅蚊蟲亦隨時出現！大埔民政處已經同區內多方合作，喺風雨季來臨之前做好防範蚊蟲嘅工作，務求令鄉郊生活嘅市民喺變幻不定嘅天氣下，都可以住得安心。

大埔民政處聯同食環署、大埔鄉事委員會及西貢北約鄉事委員會，透過大埔區「地區主導行動計劃」向鄉郊居民派發防蚊包。除咗蚊怕水同蚊膏之外，我哋亦派發防治登革熱嘅宣傳單張，務求為大家提供保護之餘，亦提高防蚊意識同知識。