@ 
通州街橋下公共空間嘅美化工程係地區青年社區建設委員會討論過嘅項目。呢個星期舉行咗落成開幕禮，等深DUCK同大家睇吓有咩精彩嘅活動啦！
尋日（24/4）深水埗民政處同中南分區委員會邀請咗香港基督教服務處石硤尾幼兒學校、西太平洋幼稚園、2個社區客廳及附近大廈居民參與攤位遊戲，又喺玉石主題嘅空間搵復活蛋。小朋友仲同巨型深Duck打卡影相添，現場氣氛十分熱鬧，好得意呀!
期望重建後嘅通州街橋底公共空間能發展成區內地標同旅遊熱點，與鄰近嘅玉石市場、新布藝市場Fabrimark、DX設計館，以及將來連同南昌連青人網絡實體平台發揮聯乘作用，為社區注入青春活力，將深水埗進一步發展為設計及時裝基地。
活動由青年議會、深水埗民政處及深水埗中南分區委員會舉辦，由民政專員黃昕然及委員會主席兼青年議會副主席黃永威擔任開幕嘉賓。
