Chill級青年@北區 – Random Dance隨機舞蹈

由香港路德會社會服務處路德會皇后山綜合服務中心主辦、北區民政處聯同區內青年服務中心合辦嘅「Chill級青年@北區-Random Dance隨機舞蹈」，26/4喺粉嶺祥華社區會堂舉行，號召咗一班熱愛跳舞同K-pop文化嘅青年朋友參加舞林派對，大展舞藝，以舞會友，推動舞蹈新文化！

今次活動分為「路演」及「隨舞」兩大環節。喺路演環節，青年團隊帶頭示範特色舞步，大跳特跳，震撼全場！跟住嘅隨舞環節，大會隨機播放流行K-pop音樂，畀現場朋友跟住強勁節拍自編舞步，舞走煩惱！