@ 
由國際獅子會主辦嘅「獅子會盃全港跳繩挑戰賽2025」頒獎典禮今日(27/4)舉行 ！行政會議成員暨全國政協常務委員高永文醫生、黃大仙民政專員Thomas、國際獅子總會港澳區領袖、黃大仙區議員及學校代表到場觀賽 ，並為勝出比賽隊伍頒發奬項 。
「跳出獅子心」服務自2019年開展 ，目的係透過跳繩運動 ，培養青少年恆常運動習慣 ，傳遞正向價值觀 ，並鼓勵佢哋勇於挑戰自我、追求突破 。「獅子會盃全港跳繩挑戰賽」多年來深受學校同青年朋友歡迎，今年全港參與人數更超過1,000人 。經過連場初賽，能夠晉級決賽嘅參賽者都實力非凡 ，佢哋施展渾身解數 ，務求爭奪各項殊榮 。
比賽設有多個項目 ，包括1分鐘大繩 8 字速度賽、45-75秒個人花式挑戰賽、60-90秒個人花式挑戰賽、30前繩電子速度賽、Mini Team Show 表演賽等，考驗參賽者嘅技巧及創意 。經過連場激烈嘅比賽，最終順利決出各組別嘅得獎者及隊伍 ，成績令人鼓舞，希望各參賽者下一屆再接再厲 ！
黃大仙民政處會繼續支持區內嘅康樂同體育活動 ，鼓勵區內青少年多接觸各項運動 ，締造活力社區
