@ 
東區區議會4月26日首次推出「流動會客室」，為東區街坊提供更大嘅便利，同區議員接觸並反映意見。
首場「流動會客室」由下午2點至4點舉行，兩位當值區議員洪連杉同周致人喺英皇道同北角道交界嘅人流熱點擺設街站，聽取市民嘅關注同意見。佢哋喺短短兩個鐘內就處理咗多宗個案，涉及區內設施、衞生、醫療及福利、海濱發展同交通等。
5月開始，東區區議會將每月喺區内不同地點設立最少2次「流動會客室」，由唔同區議員輪流當值。各東區居民經過或者有時間，都歡迎過嚟同區議員傾吓偈，交流吓區內民生民情，切實做到「上情下達，下情上報」，一齊建設更美好嘅東區。下次嘅「流動會客室」將會喺5月10日下午2點至4點舉行，喺西灣河港鐵站 出口對出行人路，由劉聖雪同梁力議員當值。
