元朗區「攜手齊心 抵禦毒害」禁毒約章運動

元朗民政處28/4聯同香港警務處元朗警區、社會福利署元朗區福利辦事處及元朗區撲滅罪行委員會，喺天晴社區會堂合辦「攜手齊心 抵禦毒害」禁毒約章運動。元朗民政專員胡天祐聯同元朗警區指揮官陳金菊、元朗區福利專員石陳麗樺、元朗區撲滅罪行委員會主席陳建業同元朗區中、小學校長會主席等一齊出席主持締結約章儀式。目標就係團結社區及學校力量，向太空油毒品說不。

今次活動特別針對現時猖獗嘅「太空油」毒品，希望透過加強教育同宣傳，提升中小學生對「太空油」毒品嘅認知，並加強防毒拒毒意識，守護佢哋健康成長。