@ 
教育局常任秘書長李美嫦4月28日喺九龍城民政專員及一眾九龍城區議員陪同下到訪區內聖公會聖十架小學。陳頌康校長先簡介學校嘅STEAM課程，然後大家一同欣賞同學精彩又獨特嘅「夜光龍」表演，不同年級嘅同學同一眾嘉賓分享STEAM學習成果。大家都十分欣賞同學仔嘅努力同傑出表現！
隨後，常秘同專員與一眾區議員會面交流。常秘喺會上詳述教育局推動科學教育及增強愛國教育嘅理念以及政策方向。區議員亦把握機會就重置區內舊校舍、推動融合教育、學童及教師精神健康，及國家安全教育等議題與常秘交換意見。
九龍城區內學校眾多，教育一直係區議員十分關注嘅議題。今次能與常秘深入交流，議員們都表示對教育政策有更深入嘅了解。九龍城民政處、九龍城區議會會繼續與教育局及區內學校加強合作，致力落實科教興國嘅教育方針，為區內同學締造最理想嘅學習環境。
@ 