@ 
今年係中國人民抗日戰爭勝利80周年。深水埗區喺4月下旬舉行咗兩個活動，畀市民同地區人士透過學習抗戰歷史，增強國民身份認同。而家等我深DUCK 介紹吓啦：
「紀念抗戰勝利️ 80周年 ·廣西學習團」
學習團為期3日 (25-27/4)，透過參觀起義烈士紀念碑、抗戰將軍故居，同埋了解廣西喺抗戰期間嘅貢獻，深化愛國精神。學習團仲參觀咗當地嘅政府調解中心，學到好多有用嘅知識，促進兩地經濟文化更緊密交流。
活動由深水埗居民聯會及九龍社團聯會深水埗地區委員會合辦。多位區議員、三會委員、地區人士均參與支持。深水埗民政專員黃昕然亦有參加。
歷史講座 – 香港保衛戰(1941)
講座喺29/4順利舉行，由本地知名歷史研究專家高添強分享。今次講座嘅主題係香港保衛戰1941，高先生為大家深入剖析呢個戰役嘅歷史脈絡，分享佢多年來嘅研究成果同埋獨到見解。講座最特別之處係展示咗運用AI科技轉化珍貴舊照片而成嘅短片，令觀眾彷如置身當時嘅時空，增加咗了解歷史嘅趣味性。
活動由深水埗民政處同香港中華文化促進中心合辦，由專員擔任活動主禮嘉賓。
