警方新界南總區一直密切留意全港和區內罪案情況,致力全方位、高效地打擊騙案和詐騙團伙,線上、線下向公眾發放重要的防騙訊息。
新界南總區防止罪案辦公室推出「新界南 · 安樂窩計劃」,聯同荃灣警區、大嶼山警區、沙田警區、葵青警區及社區各界(包括房屋署、民政事務處、關愛隊、地區組織、機構義工等社會力量),向新界南總區內所有公共屋邨和其居民舉辦一連串大型「入屋」防騙宣傳活動,提升居民防騙意識,營造防騙氛圍,以達致「防騙訊息入屋 安居樂業豐足」。
經過第一浪如火如荼嘅防騙宣傳後,第二浪萬眾期待嘅社區防騙嘉年華終於嚟啦!
日期:2024年7月20日(星期六)
時間:14:45 - 16:45
地點:東涌天主教學校(中學部)地下有蓋操場(入口設於中學部籃球場位置)
埋嚟睇埋嚟玩!呢個唔止係一場充滿樂趣嘅活動,仲係一個讓我哋一齊學習如何防止被騙,保護自己同屋企人嘅重要時刻。
活動現場將會有攤位遊戲,讓大家遊玩嘅同時,都能學到防騙知識。警方亦都準備咗防騙宣傳車展覽,俾大家更深入了解各種騙局嘅手法同防範方法。此外,仲有魔術表演以及扭氣球攤位等豐富多元嘅活動等大家參加!
警隊嘅防騙吉祥物「提子」都會喺現場等住大家!快啲尼同佢一齊打卡,留低美好嘅回憶!
防騙車嚟緊仲會走訪以下三區:
21/7(日)14:00 - 18:00 葵涌邨逸葵樓外
27/7(六)14:00 - 18:00 沙田圍港鐵站D出口逸泰街近水泉坳街
28/7(日)14:00 - 18:00 梨木樹(二)邨社區會堂
遊戲門票將於現場派發,禮物派完即止!
唔想俾人呃嘅你,今個星期六一定要嚟東涌防騙嘉年華,學習防騙知識,共建「零騙社區」!