@ 
西貢區議會一向重視同市民嘅溝通 ，由4月起推出「西貢區議會 — 會見市民計劃流動會客室」 ，西貢居民可以更方便咁搵到議員幫手 啦！
初次登場嘅西貢區議會「流動會客室」，尋日（30/4）下午5點至7點 喺將軍澳港鐵站A出口 舉行，並由莊元苳 、陳繼偉 、陳志豪 、莊雅婷 四位區議員當值。透過近距離接觸市民，議員喺短短兩個鐘內已經收到唔少關於區內設施 、交通配套 、環境衞生 等等嘅意見同查詢 ，議員即場記錄 之後將積極跟進。
西貢區議會將會繼續定期舉行「會見市民計劃流動會客室」，由唔同嘅西貢區議員輪流當值 ，希望可以同大家有更多接觸 ，更進一步協助市民，為市民提供服務 。
「流動會客室」將會喺28/5同25/6 下午5點至7點，分別喺寶琳港鐵站 C 出口 同埋西貢萬宜遊樂場 舉行，到時再同大家見面！
