@ 
完善地區治理後，區議會更緊貼民情，貼心服務市民 。尋日（29/4）傍晚，觀塘區議會首次舉辦「流動會客室」 ，進一步加強街坊同區議員嘅連繫 。
三位區議員金堅、洪錦鉉同黃春平去到秀茂坪邨嘅街站接觸 街坊，了解佢哋嘅意見 。喺短短兩個鐘內，議員就解答咗街坊有關綜援 、生果金、區內交通 、環境衞生 等嘅問題 ，亦處理咗不同求助個案 。觀塘區議會主席何立基亦有到場支持 。
由今個月起，觀塘區「流動會客室」將會喺每個月最後一個星期 到訪區內唔同地點 ，由區議員輪流當值 。會客室會同現時恆常嘅「會見市民計劃」 雙軌並行，畀區議員有更多機會深入社區，與居民交流 ，從而提升街坊嘅幸福感 。
關於觀塘區「會見市民計劃」同「流動會客室」嘅安排，大家可以瀏覽以下網頁了解最新安排： https://www.districtcouncils.gov.hk/....../meet_public.html
觀塘民政處同觀塘區議會會繼續用心 服務社區，深化各方合作 ，務求做到「民政幫到你」 ！
@ 
@