@ 
黃大仙區關愛隊近日除咗一齊上堂 ，學習新知識服務本區居民之外 ，仲舉辦咗新興運動畀區內「老友記」參加 ，一齊回顧下活動點滴啦 ！
1）救心同仁CPR大匯演之CPR隨心學
關愛隊早前(13/7)參加由遺傳性心律基金會、香港消防處 Hong Kong Fire Services Department及香港紅十字會合辦嘅「救心同仁CPR大匯演之CPR隨心學」 。導師詳細講解同示範心肺復甦法（CPR)以及自動心臟除顫器(AED)嘅流程及注意事項 。
關愛隊隊員喺導師指導下嘗試用CPR手法同操作AED機 ，並演練唔同情況下嘅急救程序 。全部隊員都通過今次課程考核並獲授證書 ！
2）「耆樂」健康日
黃大仙區東美關愛隊今日(18/7)喺東頭社區中心舉辦「耆樂」健康日 ，畀區內「老友記」體驗各項新興運動，包括地壺球 、芬蘭木棋、布袋球、躲避盤 、三葉球等，鼓勵佢哋培養運動習慣 ，強身健體 ！一眾「精叻耆兵」 樂在其中、玩得盡興 ！
黃大仙區關愛隊會繼續努力裝備自己 、發揮關愛社區嘅精神 ，全心全意服務區內居民 ！
