@ 
《2024年建築物管理（修訂）條例》將會喺今年7月13日生效喇為咗讓中西區嘅業主同街坊對《修訂條例》有更清晰嘅了解，中西區民政處聯同民建聯中西區支部喺今年4月舉辦咗3場有關《修訂條例》嘅講座，吸引咗超過150名業主同街坊出席，反應熱烈。
講座由民政處代表詳細講解《修訂條例》嘅內容，亦有立法會議員及中西區區議員到場支持，同街坊一齊了解《修訂條例》嘅內容。出席講座嘅業主同街坊都用心聆聽、積極發問，認為講座大大幫助佢哋日後處理大廈管理事務嘅事宜。
民政處會繼續聯同區議員主動協助有需要嘅業主同法團處理各項大廈管理事宜，仲會透過唔同渠道繼續支援法團、業主同物業管理公司了解同遵從《修訂條例》嘅規定。
@