要妥善做好大廈管理,居民先可以享有安心舒適嘅居住環境 。觀塘民政處尋日(18/7)就為近60名區內私人大廈嘅業主、大廈管理組織代表同居民舉辦咗「大廈管理實務講座」 。
講座邀請到香港消防處 Hong Kong Fire Services Department、屋宇署 Buildings Department、食物環境衞生署及屋宇署聯合辦事處、香港和解中心同市區重建局嘅代表,以專業角度分享各項有關大廈管理嘅知識,包括:
1)如何遵照消防安全(建築物)條例安全指示 、
2)怎樣處理樓宇滲水問題、
3)介紹大廈管理專業調解服務 嘅好處及個案分享同埋
4)樓宇復修綜合支援計劃等,内容豐富實用,一眾參加者都好踴躍喺問答時間積極發問 。講座完結後,參加者都表示講者十分專業,分享嘅資訊詳細全面,獲益良多 。
希望一眾參加者都能夠將講座所得學以致用 ,令區內大廈管理工作更加順利 ,觀塘區嘅居民安居樂業,住得安心又放心