@ 
尋日(2/5)深DUCK去咗參加深水埗區福利辦事處係麗閣社區會堂舉辦嘅2025年施政報告：福利措施諮詢會，同場見到好多區內社福機構嘅朋友。
深DUCK聽咗深水埗區福利專員馬翠蓉嘅簡介，了解多咗關於今年施政報告相關嘅福利措施，同埋福利辦事處本年度工作計劃嘅4大工作目標：
1. 推動關注身心及精神健康，支援有需要人士
2. 加強支援有需要嘅長者、殘疾人士及其照顧者
3. 支援弱勢家庭同青少年、強化家庭功能及鞏固家庭關係
4. 建立社區網絡及發展社區資本
之後，深水埗民政專員黃昕然就深水埗願景嘅分享，提及民政處嘗試透過科技及數據分析，處理民生「痛點」，希望做到精準扶貧，逐步建設深水埗成為一個智慧社區。
多位深水埗區議員、社福機構、以及關愛隊代表亦有出席，大家都好積極踴躍發言。深DUCK聽到各界大計之後 ，相信係民政處、福利辦事處、以及區內各持分者嘅通力協作之下，深水埗會成為一個更宜居、更幸福嘅智慧社區。
