@ 
春回大地，萬象更新，趁住呢個賞花嘅好時節，道教香港青松觀主辦、屯門民政處協辦嘅「屯門盆景蘭花暨中華文化篆刻作品展覽2025」喺2/5舉行開幕典禮。
青松觀主席黃健榮邀請咗屯門民政專員關可臨、屯門警區署理指揮官黃浩瀚、中聯辦新界工作部處長李成德，仲有其他有份協辦同支持嘅政府部門同機構代表擔任主禮嘉賓，為呢個活動揭開序幕，佢哋仲頒發各項獎項畀中小幼學生組同公開組嘅盆景、寫生同埋攝影等比賽嘅優勝者，表揚佢地嘅努力同創意！除咗盆景外，大家仲可以喺活動中欣賞到中華文化篆刻作品、洋蘭同國蘭花卉及園圃設計嘅優異作品！
