@ 
1.5月4日，油尖旺民政處連續第三年，同總部座落油尖旺嘅兩大青年制服團體合作，喺五四青年節舉辦升旗禮。
今年由香港童軍總會九龍地域主辦，香港女童軍總會同地區兩個青年委員會支持，同上年一樣都喺梁顯利社區中心舉行。
油蔴地街坊會學校嘅非華裔同學獻唱中國國歌；而麗澤中學陳佩儷老師就同大家講解東江水供港60周年嘅意義 。
油尖旺民政專員余健強致辭時提到五四運動嘅愛國意義同東江水供港體現國家愛港嘅心意。專員亦呼籲年滿十八歲青年盡快登記為選民。
2.早前，新一屆油尖旺青年發展及公民教育委員會開咗第一次會議 ，討論以內地社交媒體推廣油尖旺 等議題。會議由主席魏麗霞主持 。
@