@ 
尋日（4/5），黃大仙民政專員Thomas同助理民政專員Bonnie分別參與青年義工服務及長幼共融活動 ，一齊重溫吓活動嘅精彩點滴 ！
1、萬戶維修‧青少年家居維修義工培訓計劃暨畢業禮
由香港青年協進會主辦嘅「萬戶維修‧青少年家居維修義工培訓計劃」尋日圓滿舉行 ！一眾主禮嘉賓，包括民政及青年事務局 Home and Youth Affairs Bureau副局長梁宏正、中聯辦九龍工作部副部長賴建華、立法會議員暨香港青年協進會永遠會長梁毓偉、黃大仙民政專員Thomas、香港中國企業協會本地事務總監路月、香港青年協會主席楊諾軒等到場支持50位「畢業生」 ！
計劃讓青少年參加家居維修專業課程 ，掌握水電、木工、裝修等基本維修技能 ，並運用所學，義務協助有需要嘅居民 ，體現「取諸社會、用諸社會」嘅精神 。計劃唔只為青少年提供就業機會 ，同時亦培養佢哋嘅社會責任，為社區注入正能量 。
2、跨世代共融之Sing歌唱大賽總決賽
黃大仙民政助理專員Bonnie、嗇色園董事會主席黎澤森以及各個協辦同支持機構代表聚首一堂 ，參與由嗇色園主辦，黃大仙民政處、伯樂音樂學院及黃大仙龍趣居民協進會、香港灣仔獅子會合辦嘅「跨世代共融之Sing歌唱大賽總決賽」 。
決賽評判團陣容鼎盛 ，包括有伯樂音樂學院院長伍樂城、著名唱作歌手JC陳詠桐及可嵐等 。經過評判嚴格及專業嘅評審 ，金、銀、銅、跨世代舞台演繹獎、最佳親情演繹獎、最具默契共融獎、歐西流行曲卓越演繹獎及跨世代共融歌手具潛質獎相繼誕生 。
比賽吸引咗超過400位參賽者演繹70年代初至90年代末嘅經典歌曲 ，當中年紀最細同最大嘅參賽者分別為5歲同94歲 。比賽旨在透過音樂為媒介，畀長者同年輕人搵到共同興趣同發揮平台 ，促進跨世代嘅合作與交流，同時推廣粵語流行音樂文化嘅傳承 ！感謝一眾決賽「星中之星」為我哋帶嚟豐富音樂盛宴 ，亦再次恭喜各位得獎者 ！
@ 