@ 
四年一度嘅全運會係國家最高水平嘅大型綜合運動會。今年舉行嘅第15屆全運會係首次由粵港澳三地共同承辦，當中籃球賽事將由香港承辦!為咗支持呢項體育盛事，沙田民政處同沙田體育會(5/5)合辦「 全運籃球躍動@沙田」，為沙田區全運會推廣活動揭開序幕。
嚟自10間中學同8間小學嘅籃球健兒一早就到達馬鞍山體育館，熱身拉筋，準備喺球場上揮灑汗水 ，展現努力訓練嘅成果 。經過一番激烈嘅比拼，各組冠軍 都順利誕生。比賽期間，現場仲有體適能測試、籃球技巧挑戰賽、三分王大賽等，畀市民即場報名參加，共同感受運動嘅樂趣。
當日活動重頭戲，就係 U22港隊對戰香港東方體育會 。兩隊球員喺市民落力打氣下使出渾身解數 ，帶來精湛演出。最後，大會更安排咗一場別開生面嘅賽事：崇德校友飛鷹籃球隊同沙田區中學混合賽，既能讓年青人感受職業籃球員水平 ，亦帶畀觀眾不一樣嘅體驗。
一眾 星級嘉賓，包括民政總署署長杜潔麗、署理全國運動會統籌辦公室主任鄭青雲、立法會議員霍啟剛、沙田民政專員余懷誠，仲有全運會吉祥物 喜洋洋同樂融融，都專誠到場支持沙田區青少年，並主持開球禮，為港隊U22同東方籃球隊球員打氣 。
全運會將於今年十一月正式啟動，沙田區將舉辦一連串推廣活動，將全運會熾熱 氣氛推展至全港，讓市民一起投入體育盛事。
@