@ 
「勞動節元朗區就業博覽會」10/5同埋11/5連續兩日喺天水圍天暉路社區會堂舉行！今次活動喺由工聯會職業發展服務處聯同元朗民政處、勞聯匯青協會、天逸工人之友及天樂寶慈善基金有限公司合辦，仲得到10間唔同機構嘅鼎力支持。
博覽會設立多個招聘攤位，並提供多元職位空缺。其中熱門嘅行業包括：物業管理、航空安檢、保安服務、車長、銀行金融、酒店服務、零售業及地產行業等。大會仲設立咗即場面試、職涯講座同技能實戰工作坊畀大家參加，更特邀資深導師、行業領袖蒞臨主持講座，協助求職者掌握重要嘅職涯秘笈。秘笈內容豐富，包括履歷亮點包裝，面試必勝心法，行業趨勢洞察及技能升級等。
