@ 
超過200位觀塘關愛隊隊員及義工尋日（8/5） 喺油塘社區會堂聚首一堂，參加傳媒培訓課程 ，齊齊提升服務社區嘅專業能力！
好榮幸邀請到立法會議員陳凱欣擔任星級導師 ！陳議員透過真實例子 ，教授隊員如何精準地回應傳媒嘅提問，以更好地解說同分享關愛隊嘅日常工作 ，等大家學以致用！ 觀塘區議會及觀塘民政處亦有參與 ，同關愛隊隊員一齊交流心得 。
民政處亦把握同一場合，向一直熱心服務社區嘅關愛隊隊員同義工分享一個喜訊：油塘社區會堂設施大升級 。民政處除咗安裝咗全新嘅電子屏幕 ，仲加碼升級音響系統 ，讓居民參與喺社區會堂舉辦嘅各類大型活動同表演有更好嘅體驗 ！
觀塘民政處會繼續努力，喺硬件同軟件上提升社區服務嘅質素 ，以更好地落實「民政幫到你」嘅精神！
@ 
@