@ 
一年一度嘅學生醫護體驗計劃又嚟喇 ！今日(12/5)，黃大仙民政專員Thomas、黃大仙區學校聯絡委員會主席郭文坤校長、黃大仙區中學校長會主席李宛儀校長、香港佛教醫院、聖母醫院同東華三院黃大仙醫院行政總監陳允健醫生同一眾參與計劃嘅同學仔齊齊為「學生醫護體驗計劃2025」進行啟動儀式 ！
學生醫護體驗計劃今年已踏入第19年，旨在為有志投身醫護行業嘅同學仔 提供喺醫院實地體驗 同參觀各類醫療服務機構嘅機會。同學仔仲會跟隨醫生同護士進行日常護理 、檢查及斷症等工作 ，畀佢哋了解職業要求，及早規劃前程及裝備自己 ！自計劃推出至今，已有約過千名同學仔參與計劃 ，部分「畢業生」 現時已成為「白醫天使」 ，實踐志向 。
黃大仙民政處會繼續同區內學校、地區組織及地區團體攜手合作 ，鼓勵青年探索各行各業，做好生涯規劃，積極裝備自己，將來喺自己人生嘅舞台上發光發亮 ！
@