@ 
1. 母親節限定: 母親節嚟深水埗Hea吓
深水埗嘅品牌活動「Hea吓」系列又嚟喇！「母親節嚟深水埗Hea吓」前日（11/5)喺基隆街舉行，活動除咗有溫馨嘅母親節擺設同埋靚靚粉紅地毯畀大家影相打卡，仲有吹氣梳化畀大家坐吓，食住爆谷，嘆住飲品，同媽咪傾吓偈，享受一個悠閒嘅下午。活動現場仲有紀念品送畀各位媽咪，等佢哋可以帶住滿滿嘅回憶返屋企。
署理深水埗民政專員余健強同多名深水埗區議員都有到場支持活動，同街坊一齊Hea吓，歡度母親節。
2. 青年參與: 地區青年社區建設委員會及深青躍動顧問委員會第一次會議
「深水埗區青年社區建設委員會」同「深青躍動顧問委員會」昨日(12/5)都開咗第一次會喇！
地區青年社區建設委員會由嚟自唔同背景嘅地區人士同自薦青年組成，包括有校長、藝術家、綠色科技專家、建築工程師、金融財務專才、社工、大學生同中學生等。
署理深水埗民政專員余健強頒發咗委任狀畀佢哋。助理專員陳樂桐都分享咗深水埗民政處對於地區工作嘅願景。民政處期望能與委員通力合作，一同朝4大工作方向推動深水埗區嘅發展。
至於深青躍動顧問委員會會議中，各顧問就去年深青躍動舉辦嘅活動以及新一年草擬嘅活動計劃提供意見，共同推動青年發展。透過舉辦工作坊、宿營甚至交流團，期望青年能夠搵到自己嘅興趣，發揮潛能，日後成為獨當一面嘅領袖，薪火相傳。
