@ 
7月20日民政及青年事務局 Home and Youth Affairs Bureau 副局長梁宏正、立法會議員陳學鋒、陳家珮、李鎮強同陸瀚民都嚟到香港仔，全部都係為咗同南區民政事務專員兼區議會主席鄭港涌以及20位南區區議員打氣 ，為「南區匯眾坊」揭開序幕 ！
副局長主持「南區匯眾坊」啟動儀式致辭時提到，完善地區治理後區議會能夠專注地區事務，讚揚南區區議會喺專員帶領下，全體區議員同德同心、合作無間，服務市民；同時亦強化了收集民意，同埋「上情下達、下情上報」職能，充分發揮政府與市民之間橋樑嘅角色。
專員亦藉此機會向市民介紹南區區議會半年以嚟嘅工作成果。南區20位區議員幹勁十足，團結度爆燈 ，一次又一次超越年度工作指標 。上任後積極參與民政處舉辦的分享會同埋演練等活動，亦於3個月內成立咗一共15個地區辦事處；議員跨界別協力服務南區每個角落 ，探訪超過2千戶家庭，收到並解決咗接近3千宗市民求助，例如野鴿、路面不平、爆水管等問題等都一一處理好，真正做到為市民排憂解困。
區議員彭兆基同李嘉盈亦同大家分享區議會聯同地區組織及關愛隊合作嘅社區項目，包括超過9萬人次到訪嘅「南區繽紛市集@洪聖誕」、惠及2千多戶市民嘅「歲晚關愛大行動」等，並承諾繼續積極透過「會見市民計劃」和其他渠道聽取市民意見，進一步改善社區；今年下半年，南區區議會更會同民政處，仲有地區團體緊密合作，辦好國慶75周年大大小小嘅活動 ！
@ 
@