耆樂警訊 • 防騙防罪講座

係5月12日，荃灣警區警民關係組、新界南防止罪案辦公室人員同埋商業罪案調查科人員 ，一齊去到耆康會荃灣長者地區中心 ，為一眾老友記 舉辦咗一個防罪防騙講座 ，將最新嘅騙案手法及防罪知識介紹俾各位老友記 ，仲教埋老友記點樣去分辨假銀紙，等老友記可以預防受騙之餘，亦將呢啲防騙訊息傳遞俾身邊嘅人 。

荃灣警區 會繼續為區內嘅老友記 舉辦防騙防罪講座 ，透過宣傳同教育，加強大家防騙防罪意識 ，攜手協力打擊罪案 ，亦都希望各位老友記可以將「提防騙子 ，唔好中蕉 」依個防騙訊息宣揚出去。