@ 
1. 深DUCK與你撐全運
為迎接第15屆全國運動會，深DUCK已經換上八件新衫，代表八個香港承辦競賽項目，喺麗閣商場對出中央空地同大家見面喇。
另外，「深水埗區青少年三人籃球挑戰賽」將於18/5喺大坑東邨硬地籃球場舉行。期待到時見到各位深水埗居民！
前日（13/5)，署理深水埗民政專員余健強同深水埗體育會主席梁鉅海，同一眾老師學生以及居民參與啟動禮。
活動期間，專員亦介紹由民政及青年事務局 Home and Youth Affairs Bureau及家庭議會主辦嘅「全港美好家庭選舉」，建議大家可以撰寫同屋企人一齊運動嘅難忘故事參與比賽。
2. 國家安全盃2025暨全國運動會推廣日
活動喺上星期六(10/5)順利舉行，參與青年以國家安全重點領域作為隊名參賽。
同場更有警察籃球大使隊、懲教署籃球隊、深水埗區國安導師等隊伍嘅表演賽及分享。立法會議員鄭泳舜及梁文廣、中聯辦九龍工作部處長歐陽瑋等都有出席。
