油尖旺關愛隊繼續伸出援手

最近油尖旺有幾單事故，各隊關愛隊都即時到場幫手 。

1.佐敦西小隊得知區內一棟近二十層高大廈唯一嘅電梯出問題 ，尋日(15/5)由隊長呂漢輝帶領，逐家逐戶了解居民需要同派福袋 。

2.佐敦西上月就有一個尼泊爾裔家庭發生火警 ，收到民政處通知後，關愛隊正副隊長即時前往現場，協助安排臨時住屋，並轉介個案畀社署。少數族裔關愛隊都有出動。

3.上個月區內仲有一個單位有石屎剝落，砸中獨居婆婆 。大角咀北小隊即時去醫院探望，並就維修向家人提供意見。