@ 
以球會友•精誠合作•深化情懷
一年一度嘅「香港海關科際足球比賽」喺過去嘅星期三（5月14日）完滿結束。經過一番激烈嘅競技，最後由調查科聯隊贏得銀盃賽錦標，成功實現三連冠 ，而港口及海域科則勇奪銀碟賽冠軍 ！
關長陳Sir、副關長胡Sir及許Sir、助理關長李Sir、Madam 黃及黃Sir，亦親臨現場支持一眾健兒，並擔任頒獎嘉賓 。各隊球員除咗喺球場上一展腳法之外，更藉著賽事以球會友，加強彼此之間嘅團隊精神及默契！
今年嘅賽事更加插一場港澳海關友誼賽，澳門海關由關長何sir 帶領下同香港海關代表切磋球技。雙方實力接近，旗鼓相當，合演一場賞心悅目嘅賽事，為當日增添不少色彩 ！
再次感謝海關同事嘅參與，展現部門活力健康嘅一面！
